O Xogo da Semana: Sugar Sugar

Despois de tanto traballar co GIMP, imos a tomarnos unha pequena pausa botando unha partidiña, pero como isto é un Instituto e non unha sala de xogos imos a divertirnos cun xogo que nos axude a desenvolver a compresión das leis físicas, a paciencia e a destreza mental.

Nesta ocasión presentamos SUGAR, SUGAR, un xogo baseado no uso de física de dinámicas e de partículas no que poderemos debuxar co rato unha serie de liñas sobre as que resbalarán centos de grans de azucar que caen da punta da coma que separa as letras "Sugar, sugar" (azucar, azucar).

Este xogo foi elexido polos compañeiros do ano pasado como "Mellor Xogo de Tic do ano"

A nosa misión será levar os grans de azucar ata as tazas, que se irán enchendo a medida que diminúa o seu número (a relación de grans que absorbeu). Tamén poderemos colorealos facendoos atravesar unhas barreiras de enerxía.

Este xogo require certa paciencia e habilidade de planificación.

Adiante. Serás quen de rematalo? Queres unha taza de azucar?

EXTRA:

Especial SUGAR, SUGAR NAVIDAD, SUGAR, SUGAR 2 e SUGAR, SUGAR 3

PracTICa 07: Tilt&Shift, Retrato "Búscase" e Clon con fondo borroso

Os obxectivos fotográficos chamados Tilt and Shift son obxetivos descentrables moi utilizados para fotografía de edificios. A súa particularidade é que poden desprazarse respecto ao plano focal da cámara, facendo que parte da escena se enfoque oblícuamente. O caso é que se descubriu que ditas fotos, feitas de determinada maneira, parecían maquetas de xoquete.

Para simular o efecto de "fotografía de maqueta" no Gimp, usaremos unha foto feita dende unha posición elevada (picado).
Superpoeremos outra foto igual, a desenfocaremos, e mediante máscaras de capa usando o degradado bilineal, simularemos a perda de profundidade de campo.
Logo retocaremos a man a máscara de capa.
Finalmente subiremos a saturación.

 Tendes que subir unha ou varias fotos feitas simulando o uso dunha lente descentrable (tilt and shift) mediante o programa Gimp, e tamén outra/s foto/s procesada/s a través do simulador que nos ofrece a páxina tiltshiftmaker .

Tamén subiremos a foto dun retrato de persoa simulando un cartel dos vellos "Búscase" (Wanted) usando diferentes modos de fusión de capas coa imaxe e o texto.
Necesitaremos unha foto e un fondo con textura, como pode ser un pergamino, unhas táboas, etc...
Como consello, se a foto ten fondo branco, usaremos os modos de fusión Multiplicar ou Ennegrecer, e cunha máscara de capa puliremos os cantos do retrato.
Tamén é recomendable eliminar o fondo do cartel e exportar con transparencia en png.
Como no exemplo:

 

Por último, colleremos un retrato fotográfico e duplicando a imaxe, escalamos e desenfocamos o fondo, integrando as dúas capas cunha máscara, de xeito que quede similar á foto do exemplo.

PracTICa 06: Desaturado selectivo e coloreado de fotos antiguas con GIMP

Desaturar é eliminar a información cromática, é decir, a información da cor. Usaremos o GIMP para facer unha desaturación selectiva e logo empregaremos máscaras de capa para destacar mediante a cor un elemento.
Iso chámase desaturación selectiva, e é un recurso ideal para salientar ou contrastar ó suxeito principal da fotografía.
Teredes que facer unha foto dun taxi de New York e unha foto máis de temática libre a escoller por vós, como pode ser unha flor, unha peza de froita, etc... Podedes subir todas as fotos que queirades.

O proceso é sinxelo.
 Duplicamos a capa, a capa superior a desaturamos  Colores->Desaturar.
Cunha máscara de capa de cor branco pintamos co pincel negro a zona que queiramos deixar en cor. Se nos equivocamos podemos retocar a máscara co pincel blanco.

NOTA: Para pasar unha imaxe a branco e negro (desaturar) hai varias formas. Explicarei catro, aínda que as ideais son as dúas primeiras

1. Menú Colores - Desaturar. Escollemos entre as tres opcións a que máis nos guste (Claridad, Luminosidad ou Promedio)
2. Menú Colores - Tono y Saturación. O deslizador Saturación cara a esquerda vai diminuíndo a cor. Podemos escoller si aplicar o efecto a toda a imaxe ou a unha cor primaria.
3. Menú Imagen - Modo - Escala de grises. A imaxe perde a información de cor. Para poder usar cores unha vez transformada a imaxe, teremos que ir a Menú Imagen - Modo- RGB.
4. Sobre unha imaxe coloreada poño unha capa branca en modo de fusión Saturación.

_____________________________________________________


INSPIRACIÓN: Fotografías coloreadas.
Escolle unha fotografía clásica en branco e negro e coloréala usando o modo de fusión multiplicar pintando nunha capa transparente colocada sobre a foto orixinal.

Atoparás máis exemplos AQUÍ

E para escoller unha foto, escolle unha das que aparecen AQUÍ

PracTICa 05: Zombi con Gimp

Neste videotutorial amoso como facer unha transformación cunha foto e convertila nun zombie. 

Podedes coller os arquivos da práctica aquí.

O traballo consistirá en escoller unha foto dunha persona, a que ti queiras, e zombificala tal como fixemos con House.

PracTICa 04: Presentación con Google Drive (antiguo Google Docs)

Na seguinte práctica teremos que crear unha presentación online e incrustala no Blog.

A presentación terá que tratar sobre un tema que estudases nunha clase, deste ano ou doutro.
Para iso, teredes que escoller un tema, facer un resumo, pensar a maneira de dividilo en diapositivas e buscar ou xerar os gráficos necesarios.

O número mínimo de diapositivas será cinco, incluíndo a carátula. Na diapositiva final poredes a bibliografía ou cibergrafía utilizada para facer o traballo, os créditos e os agradecementos. Iso vos deixa cinco diapositivas mínimas para por os contidos.

Os contidos teñen que ser imaxes e textos, debendo existir un equilibrio entre ambos.

Os textos deberán ser redactados por vós, en galego ou castelán, pero non facendo copiar e pegar da rede, pois iso suporá a anulación do traballo.

As imaxes deberedes citar de onde as sacades e poñelo na cibergrafía.

Os contidos serán maduros e ben formulados, sodes estudiantes da última etapa de secundaria e xa tendes un nivel, que se vexa.

Falando de presentacións online, non podemos deixar de lado o máis popular servicio para compartir este tipo de contidos, a plataforma SlideShare, onde atoparedes unha boa morea de presentacións en múltiples idiomas e sobre todo tipo de contidos, educativos tamén.

Deixovos tamen unha presentación de exemplo:

PracTICa 03: Que uso lle das ao ordenador e ao móbil?

Isto é un ordenador.

Segundo a definición, trátase dunha máquina dixital e electrónica capaz de procesar información seguindo instruccións almacenadas en programas.

Esa definición tan fría faille pouco favor a este trebello que tanto usamos na nosa vida moderna, dende o uso personal ó uso máis social e global.

Nesta ocasión o traballo que vos pido é unha análise do uso que facedes no cotiá dos ordenadores. Cando chegas a casa, se tiveses todo o tempo do mundo... Que uso fas do ordenador? Úsalo para conectarte a redes sociais a través de internet? Para redactar traballos ou buscar información? Ver e ordenar as fotos? Xogar? Deseño? Ve-lo periódico, escoitar música o ver unha película ou videos en streaming? Descargar contidos?


Hai tantas e tantas cousas que se poden facer cun ordenador hoxe en día,... describe os usos que lle das, as razóns que te levan a facelo e as ventaxas e inconvintes que lle ves ó asunto.

Fala tamén da túa primeira experiencia cun ordenador, mesmo se lembras o primeiro ordenador que tiveches, si es que tes algún.
E describe tamén o que te gustaría aprender a facer cun ordenador, ou as posibilidades de futuro que lle ves.

Tamén podes comentar o impacto que tivo a chegada dos smartphones, as apps e a conectividade móbil na túa vida, e como cambio a forma de comunicarte. Que uso lle das ao móbil no día a día? Que posibilidades tecnolóxicas cres que te aporta?

Por último. Que contidos ou aplicacións te gustaría aprender en TIC? Elaboración de páxinas web? Vídeos? Fotografía dixital? Bases de datos? Programación? etc...


Lembra coidar a redacción do teu traballo e darlle unha coherencia e extensión adecuada para ser un traballo dun nivel como primeiro de bacharelato.

Valoraranse as reflexións maduras e ben levadas, a corrección gramatical e o contexto xeral do escrito.

Publicaredes este texto, dunha extensión media, no voso blog, baixo o nome que ten esta mesma entrada. Lembrade elaborar un texto ao nivel que se se espera de vós coma alumnos de bachallerelato, cunha certa seriedade e corrección.

O Xogo da Semana: Castle Destroyer e 3 Slices

Unha semana máis imos dispoñer dun tempo de ocio para agudizar as neuronas, que falta nos fai.
Neste caso, trátase dun xogo dos que se chaman de "deconstrucción", no que trazaremos co cursor unha línea que pode cortar os bloques presentes en cada nivel, de xeito que consigamos que a construcción se derrumbe por debaixo da líña horizontal marcada.

Dependendo do nivel poderemos utilizar un corte ou máis.

A ver quen e quen de completalo ¡Eu xa o fixen!

Veña, a darlle ó Castle Destroyer

A miña puntuación

E aroveitando a circunstancia, ampliemos o repertorio con 3 Slices, un xogo moi parecido, e a súa celebrada segunda parte.

PracTICa 02: Xeolocalización con Mapas de Google

Nesta actividade traballaremos co código HTML que sacaremos de google maps e a forma de presentar os mapas e rutas incrustados no Blog. Deberás enlazar e publicar no teu blog os seguintes recursos extraídos de Google Maps.

1- Un mapa coa posición da túa casa. Se queres manter ese dato na intimidade, usa a cambio o Concello, que ó fin e o cabo se lle chama "A casa do Pobo". O nivel de aproximación debe de ser suficiente como para poder guiarse polas rúas. No exemplo presento unha versión en mapa de satélite e outra en callexeiro.


2- A ruta dende o Concello de Boiro (ou outro lugar relacionado convosco) ata o destino internacional que sempre quixéchedes visitar. Dende as praias do caribe ós llanuras heladas de Siberia, pasando polas ruínas de Petra, Exipto ou Xerusalem... ou a exhuberancia urbana de New York ou Shangai. Escollede vos e mirade os datos relacionados.

3- Unha vista co motor "street view" dun monumento ou lugar famoso e reconocible.


Podes ver exemplos despois do salto.

PracTICa 01: Insertar contenidos

Publicar un enlace, por ejemplo a la wikipedia.

Publicar una foto, por ejemplo la de un gatito.

Gatito sobando

Publicar un vídeo, por ejemplo un vídeo de youtube.

Presentación

Ola. Son Pascual Vidal.
Este será o Blog da asignatura TIC (Técnicas da Información e a Comunicación) de primeiro curso de Bacharelato do IES Praia Barraña grupos C e B.
Aquí irei colgando as prácTICas e actividades que iremos realizando ao longo do curso.
Unha aperta!